Ruta a Pola(Polina)

Foi un dia raru,un dia d´esos nos que paez que les coses nun quieren dir pol so llugar.
Al amanecerin habiemos quedau,comu ye vezu nos cascoxos,nos Canapes,pero hebo un problema amestau a la salida:la lluvia.
A les 9.30 taba orbayando,asina que dicidimos dexar que pasare un plizcu´l tiempu col envis de que rescamplara´l dia y asina nun garrar una moyadura,pero nun tinia traza d´aparar,colo que dicidimos dexalu pa otra vegada.
Ehi entamo´l entueyu,Irael taba esperandonos nos Canapes facia 30 minutos,y gracies a Marqui que mos aviso,colo que ensin duldalo y darreu,colamos pal puntu de salida,pero apaecio otru problema,esti mecanicu.
Alcuandu sali del garaxe xubiu enriba la bici,decateme de que nun diba bien,daque-y pasaba,quedabaseme la cadena floxa,asina y tou tire pa baxo camentando qu´ente los tres pudieremos iguar una solucion,pero non yera´l nuesu dia,dalgo taba esgonciau,asina que nun mos quedaba otra que dir a Polina.
El tiempu pasaba y amas paecia que dexaba de llover.
Polina,comu ye davezu nel,atendionos perrapidu,y esta vegada si hebo xorra,tinia la pieza pa camudamela y asina siguir cola idega de rodar un poquiñin,anque viendo les hores que yeren,pa pocu diba danos.
Entos escomenzamos dende Ca Polina,empobinaos facia un monte asitiau per tras del so taller,pa min yera nuevu esti sitiu,y la verda que prestome,una sienda afayadiza y mui ciclable.
De siguiu cruciemos l´autovia per un ponte y de siguiu a mandrecha per un camin que mos empobina facia´l pueblo nomau Tres la ilesia,que ta amestau a la Llaguna nel conceyu de Illas,y elli ya garremos la sienda de la ruta l´agua,ya perbien conocia polos componentes del grupu.
Foi pocu´l tiempu que tubimos nesa ruta,por mor de qu´esti que ta escribiendo,garro otru desviu per error y mos saco del camin,anque mos llevo a otra sienda tamien prestosa.
La torna fiximosla pol mesmu sitiu,anque agora si mos fizo compaña la lluvia,que mos trescalo fasta los guesos.
A la fin foron 20 km,pero teniendo´n cuenta a la hora qu´entamamos,podiemos dicir qu´abondo fiximos.
La ruta al mio gustu foi prestosa,ya que´l 50% de los caminos polos que tubi,nun los conocia.
Tamien,y comu non,pidi-y esculpes a Irael pola espera que-y fiximos pasar,que nun foron 5 minutinos,sinon cuasi 45,y al mio collaciu rubenin,agradece-y la so siempres y prestosa compaña.
Rapazos,ruta curtia pero valida p´aselecer(tranquilizar)les ganes que tiniamos de salir.
Un saludu a toos y toes