XUBIDA AL ALTU NARANCO

Equi tamos otra vuelta pa cuntabos una nueva ruta,na que comu ye davezu,nun pudo faltar la ñeve y esa sensacion de friu que tantu mos acompanga caberamente.
La idega que tiniemos de niciu,yera garrar una pista que sedria la que mos empobinaria fasta la cume´l Naranco.
Entamamos dende Aviles con abondes ganes y mas entavia cuando col pasar de los kilometros gueyabemos el trapiar de ñeve que topetaba escontra la lluna´l coche,nun gorgutabemos,namai camentabemos que si ehi taba asina comu taria pa Uvieu.
Una vegada aportemos a la capi,quedemos ablucaos,malapenes podia vese dalgun requxu blancu nel monte,asina qu´un plizcu disgustaos fuimos desayunar pa nortiar les coses d´otru mou,y asina foi,garremos rixu a esgaya y pa riba.
Escomenzamos faciendo dellos km pela carreta,col envis d´atopar a manzorga(mano izquierda)dalgun camin o sienda que mos llevare fasta la cume.
Fiximos un intentu,nel que dexemos abondes fuercies,intentando pasar per un llugar nel que nin tan siquier podia pasase andando,y tornamos pa tras.

Tabemos perdios,ensin mapa nin na que mos pudiere orientar,solu´l recurdu que tinia Mayuca al habela vistu´n internet.Nun baltiamos la toballa y siguimos a la gueta de esi camin,qu´ensin dulda tinia de tar en dalgun llugar non mui llonxano.
A la fin afayemoslu,y con él,la ñube,De sópetu ponse a ñebar,una ñeve perguapa,d´esa que nun moya ya inclusu te presta porque la sensacion de friu ta amenorgando,ya tamos na nuesa salsa y entamen les picades.

El camin yera guapu,asemeyau na vexetacion al Picu,y mui ciclable.Dalgunes xubides nes que sofitabemos la patuca nel suelu pero que podien facese.Asina suiguiemos xubiendo ensin parar,namai pa facer dalguna semeya.

El tiempu abondu bono,ensin friu y trapiando a esgaya,perguapu
Una ruta curtia pero con un resultau xenial,nel que al mio mou de velu destaco dos xubides d´asfaltu,curties pero intenses y una baxada ya camin de la ciuda,na que nun entraba mas qu´una persona y por supuestu pindia a degueyu,lu que fixo que la esfrutaremos a tope,tamien afalagar a los cascoxucos qu´elli tubieron porque esta ye otra que mos cargamos al llombu.

Un saludu y perdona-y por nun espublizar dalguna semeya,pero ye que nun se comu se fai,asina que dexuru que lu fadra Carli.

Gracias Marcos por esta cronica tan guapa.Las fotos ya estan todas en un album, en la seccion de Nuestras fotos.