RUTA BAXAES DEL GAS-PIARNU

Bonos dies cascoxus y cascoxas,equi toi otra vegada mas pa cuntabos una nueva ruta na que por fin fixonos compaña´l sol Astur.


La ruta nun salio mui llarga pero si un plizcuco intensa´n dellos llugares,por mor del terren que taba estrozau de tantes lluvies cayies caberamente y del pasu de dalgunes motos que dexaben los caminos enllamuergaos,fechos una llaceria.
El niciu foi comu siempres,nos canapes y d´elli direicion Pabellon de los deportes,onde xiramos a manzorga pa garrar la carretera que mos empobina fasta´l entamu de la ruta L´AGUA.
La sienda,comu dixi enantes,taba´n dellos momentos inpracticable,abondu barru que facia sofitares pie ca pocu,pero nun yera torga dalguna,elli siguiemos puxando con gayola y chandonos unes rises.
Al finar la sienda garremos un garrapiellu metros d´asfaltu pela carretera,pero darreu ,ya mos metemos n´otra pista,na que col rellumo del sol podiase gueyar la guapura de la nuesa tierrina,imposible nun aparar pa facer una semeya(SEMEYA CON ANECDOTA),siguimos fasta´l final del camin,qu´acababa na carretera La Peral,cruciemosla y de siguiu intentemos xubir un curtiafueos perpindiu que mos dexaria nel entamu de la primer baxada,naide pudo xubila,perdura.

Aparemos pa baxar los sillines pa que mos fora mas cenciellu,y escomenzamos los descensos,menuda tension.
Tabemos gayasperos,asina que siguimos dando-y a los pedales,fasta algamar la cume d´un monte que tres un prestosu tramu llanu mos dexaria una baxada na que tinies que tar sollerte(atentu),por la dureza del terren ya que taba estrozau,a la fin comu foi davezu nesta ruta,dexose facer,ya tabemos en PIARNU.


La torna pa casa fixose pela carretera,que nun presta tantu pero ye que yera tarde.

-DESTACABLE-
En primer llugar,da-y les gracies a Israel por trayenos a esta xuntanza una xente perafayadiza,cola que presto a esgaya percorrer les caleyes.
Per otra parte y comu non,glayar al altu la lleva que´l nuesu collaciu Rubenin,baxo les dos del gas ensin sofitar en dengun momentu los pies,norabona rapaz.

No que cinca a esti cascoxu que ta escarabayando estes llinies,dicibos que lu pase perbien,y que ye´l mio deseyu(y el de toos)qu´esti proyeutu siga xorreciendo,y que la xente que se mos ameste quede cola mesma sensacion que nos,una sensacion d´AMISTA.
Un saludu y perdona-y por nun poner semeyes,pero nun soi daquien a facelu.