Bonos dies a toos y toes qu´emplegais dalgo del vuesu tiempu´n gueyar esta paxina.
Dempues de dalgun tiempu ensin garrar la bici,esta selmana entame y por mor dello,agora voi rellatar un poquiñin lu que foi la xuntanza de guei.
Madruguemos,la hora nun yera la de siempres a la que tabemos avezaos,quedemos n´aconceyanos a les 9.30,y redios,yera la hora y tabemos toos elli.
Escomenzamos nos Canapes,y darreu garremos la carretera xeneral haza Les Vegues,onde mos esviariemos a mandrecha direicion Molleda onde taria Israel esperandonos pa siguir dafechu.
Siguimos pela carretera asfaltada dellos kilometros,fasta garrar a manzorga una caleyuca que diria´n paralelu pero ya rodando sobro barru.Esti camin pue allegabos fasta´l Escañoriu,llugar famosu y prestosu poles sos cascades d´agua.
Nós siguimos de frenti,tornando a garrar otra vegada mas asfaltu nel camin,un camin nel que ya apaeceria´l primer trozu pindiu,lu xustu pa dir caleciendo les patuques,qu´anque nun llovia nun taba´l tiempu caliente del tou.
Esti camin,sedria´l que mos empobinaria a la falda´l picu,anque enantes de llegar,dicidimos esvianos a la esquierda,pañando la carretera que se dirixe a Trubia,(esti cambeu de planes foi por mor de probar un trozu nuevu que dies enantes habia fechu´l nuesu compañeru Israel.
Siguimos dalgun KM pela carretera,fasta garrar otru camin a mandrecha,nesti camin si qu´hebo que puxar con ganes,yera pindiu y llargu,pero fixo que mos llantaremos perrapidu cuasi enriba´l tou,onde aparariemos a folgala un poquiñin y garrar un pocu d´aliendu pa siguir col nuesu oxetivu minutos dempues.
Ya coles piles cargaes escomenzamos a da-y al pedal,agora yera prestoso,yera baxada.
Enantes de siguir col rellatu,dicir que se mos xuntaron dos rapazos a meta del camin,y anque nun sepamos los sos nomes,agradece-yos la compaña que mos ufiertaron durante cuasi tol trayeutu.
Esta sienda llevarianos fasta la Degollada,pero eso si,enantes d´aportar pasarien delles coses,comu´l cuasi accidenton que tubu apuntu de sofrir Carlinos,por mor de que-y españo la rueda d´alantre,quedando aina ensin direicion,gracies que tien reflexos el rapaz y caltubose´n pie nun pasando-y nada.Otra de les coses a destacar enantes d´aportar a la Degollada y si me lu permitis,porque ye a mou personal,ye la estroza que fixieron del paisax llantando esos molinones no cimero´l monte,esgonciando non solu a la vista sinon el terren nel que tan asitiaos trabayando coles maquinones qu´empleguen.
Ya desfogau,voi siguir.
Na Degollada aparemos pa xintar dalgo de fruta y chiculate y afrontar asina meyor el restu de ruta.
Finau´l momentu de folgueta siguimos haza un curtiafueos col envis de baxalu.
Entamen les picaes,baxen comu llocos,y yo que voi selequin por mieu a zapicar,sotripome escontra´l suelu,pero ensin faceme dañu,por suerte ya que tabemos en Ca Dios.
Salimos a la xeneral que va pa Grau,cruciemosla pa xubir a la Mafalla,pa min yera la primer vegada que diba perhi,y anque creyia que diba ser mas dura,FIXELA,gracies tamien al sofitu que diba dandome Miguelin.
Agora yera tou pa baxo,camin de la Peral,pola carretera asfaltada,y comu non,la xente picandose,increyible´l fondu que tienen estos castrones.Na Peral metimonos per tras del pùeblu,per un camin que val d´atayu pa nun dir tantu pol asfaltu y que mos llevaria cuasi al cruce col pueblu de Calavero y ya dende ehi tou pa baxo direicion Aviles.
Tamien dsstacable´l ultimo esprin d´estes oveyes pa dar caza a un garrapiellu de ciclistes que mos adelantaren enantes al tar faciendo un reposu.
Bono pa finar da-y les gracies a esti grupu del que soi componente por facer qu´estes xuntanzes seyan tan afayadizes y prestosas en forma.
Un saludu y a naguar pola siguiente salida
.jpg)